大家好，我叫王雅鴻，Antonio Wong，今年41歲，已婚，我有一位好太太。我現在讀「緊」學位課程，我希望50歲前拿到博士學位，我「敢」講並不是要話我自己好叻，我以前好差，我有學習障礙、語言障礙、寫作障礙。「頌」系一路都是懞然不知。7歲時，爸爸把我由南非秘魯帶來香港，交給嫲嫲照顧，他自己走佐去墨西哥，秘魯是講西班牙話，我不懂廣東話，也不懂英文，讀小學時，覺得D功課好難做，要用好長好長的時間做功課，有時做唔晒，所以經常欠交功課，以致被老師責罵、打手板、罰抄、留堂，以前是可以體罰，最慘系留堂都冇家長接放學。每次考試名列頭三名，由尾數上。我唔係唔肯做功課，我晤識做，我晤識中文，我晤識英文，但係冇人明白我，連自己都唔明白點解我學野咁慢，個時D人唔認識學習障礙、語言障礙、寫作障礙，只會當我懶惰，不敢用功讀書。升上中學時，因為年長佐，定性佐，勤力佐，成績都不錯，中中等等，但因就讀Band 5學校，會考成績好差，除了商業、會計合格，其他科目都不合格。
中五結業後，曾做過文員、會計、保險、地產和直銷，但係都係唔成功。記得做地產的時候，經常同客人傾樓盤都不成功，老板聽我和客人傾電話，發覺我未有回應客人的問題，我同客人傾電話時是牛頭唔搭馬嘴，我都唔明白點解會咁，我已經唸熟晒所有資料。
後來，我太太鼓勵我讀書，我都覺得讀書是非常重要，在香港這個社會，學歷非常重要，而且我想學多D野，但係做功課及學習上都有困難，每次做功課要用很多時間做，有時死「淋」難「淋」都「淋」到點做D功課，更加寫唔出文章。因為我有寫作的困難，被一些人取笑 ，他們還說為什麼有這位學生來讀書，我好唔開心，好自卑，我「淋」點解人地讀得咁容易，我讀得咁辛苦，我要找出原因。
我「淋」 我有口吃，說話又唔清楚，人家聽不到我講甚麼，句子結構又混亂，不是冇頭冇尾，就是冇中間，更會前後調轉，人家都不明白我講甚麼。有人曾經因誤會我的說話去投訴我，唉！真是有口難言。我是個喜歡說話的人，有一天下午，我遇見一位女士，她是一位小學的語言治療師，我告訴她關於我的問題，她介紹了一位私家的語言治療師給我，經過語言治療師的測試，知道我說話的速度太快，人家聽到我的說話變成「一舊舊」，句子不完整，內容先後次序混亂，專注力不足，這個專注力不足，不是指我不留心聽，而是聽完後立刻忘記人家說甚麼？
經過治療師的訓練，已減少口吃，說話已有改進，但我覺得進度太過緩慢。我心裹非常焦急，因為D治療費好貴，1小時收500大元，1星期要上兩至三小時，我地負擔唔起。
忽然腦海中浮現了一位弟兄的名字，於是打電話給佢，我以為他教〔電腦操〕，藉〔電腦操〕做運動，佢話唔係〔電腦操〕，係健腦操，健腦操可以幫助學習上、語言上有困難的人，學習健腦操之後，改善佐左右腦協調，提高佐學習的能力。人地得一想二，我呢，得二想三，我想要更專業的演講能力，有一天早上我從一篇文章中認識國際演講會，那一天下午，我遇見國際演講會的前培訓總監，我就學習演說的技巧，說話能力不斷提高。但係，要提高演講水準，就要藉着提高寫作的能力，我好需要一位語文老師的幫助，有人同我講，有一個人可以幫到你，佢經常在你身邊，你隨時都可以找她，佢係你太太。我和太太好多時去行公園，一來可以增進感情，另一方面，她會同我玩接龍，傾計時，她會留意我有沒有說話不清，如果有她立刻提醒我，她會給我做補充，又會出題目要我即時演講，我灰心的時候，她會輔導我，我現在寫作和說話大有進步，我現在又讀「緊」輔導學學位，我都得，你的仔女都得。
